Cassey's POV
"R-Reyna Livia..."
Marahan siyang lumapit sa'kin suot ang kaniyang nakakatakot na ngiti. "Ako nga, Prinsesa Serenity. Kamusta? Nagustuhan mo ba ang silid mo?" Hindi pa rin nawawala ang ngiti niyang nakakakilabot.
Sinubukan kong tapangan ang tingin ko sa kaniya at itago ang takot na nararamdaman ko. "Sumama lang ako pabalik dito dahil bukod sa gusto kong masiguro ang kaligtasan ng buong Parcean, gusto ko ring bawiin sa'yo ang buong palasyo."
Nagpakawala siya ng isang nakakatakot na tawa. "Babawiin? At paano mo naman ito babawiin sa'kin?"
"Katulad ng ginawa mong pag-agaw ng trono sa aking ina." Sagot ko. "Hindi ka nararapat maging isang Reyna."
"At sino naman ang nararapat? Ikaw? Ikaw na kalahating tao ang mamumuno sa buong Parcean?" Muli na naman siyang tumawa. "Pinapataw
