Alas kuwatro natapos ang huling asignatura ni Tahti sa araw na iyon. Kung uuwi siya ngayon, nasa bahay na siya nang eksaktong alas singko ng hapon. Pero bakit ba siya pinapauwi agad ni Wolfe? May kailangan ba ito sa kanya? Hindi naman nito bahay ang bahay niya, dahil may mansiyon naman ito. Hindi rin nakasaad sa kontrata nila na dapat ay tumira silang dalawa sa ilalim ng iisang bubong—na ipinagpapasalamat niya, sapagkat natatakot siya para sa puso niya kung palagi niyang makakasama ang kanyang asawa. Baka kasi tuluyan nang matalisod ang puso niya rito.
‘Be home at exactly 5.’
Napabuntong-hininga si Tahti nang muling umalingawngaw sa utak niya ang mensahe galing kay Wolfe. Parang nakikinita na niya ang anyo ng mukha nito habang sinasabi iyon.
“Oy, may bagong bukas nga palang KTV bar ma
