“TANGA KA NA BA, Cai?”
Marahas na napabuntong-hininga si Cai. Kausap niya sa kasalukuyan si Petra sa telepono. Break niya sa trabaho at nasa loob siya ng maliit na lounge para sa mga nurse. Parang hindi na niya kakayanin ang mga nararamdaman kaya nagpasya siyang kausapin ang matalik na kaibigan tungkol sa bagay na iyon.
“Matagal na akong tanga, Petra,” ang sabi niya sa nanhihina at nalulumbay na tinig.
“Talaga bang ito ang gusto mo?”
“Ano naman kasi ang gagawin ko? May nangyayari na ba? Baka kasi praning lang ako. Baka masyadong threatened? Baka sabihin ni Wilder na hindi ako nagtitiwala sa kanya.”
“Parang hindi ko na makita ang kaibigan ko sa mga naririnig ko sa `yo. Hindi ka ganyan dati. Parang pinaikot mo na masyado ang mundo mo kay Wilder.”
“Petra, please naman.” Pero totoo ang s
