DAHIL NASISIGURO NI Cai na beach ang unang gustong puntahan ni Kali, sa Pagudpud ang una sa kanilang itinerary. Hindi naman siya nagkamali dahil kitang-kita sa mukha ni Kali ang kaligayahan habang nasa lugar sila. Halos walang inaksayang pagkakataon para makaligo kaagad sa dagat.
“When I was in Hawaii, a local told me the ocean can heal anything,” ang sabi nito sa kanya habang nakatanaw sa magandang karagatan.
“Kahit broken heart?” ang wala sa loob na naiusal ni Cai. Nag-init ang kanyang buong mukha nang mabatid kung ano ang nasabi. Gaano siya kakorni sa paningin nito?
Natawa si Kali. “Where did that come from?”
“Nowhere,” ang natatawa na ring sagot ni Cai. “It’s just, you know, this place is just beautiful. The beach also reminds me of… Nevermind. Just don’t… uh, mind me.” Gusto na r
