BAGO PA MAN dumating si Kali sa Pilipinas ay plinano na ni Cai ang mga pupuntahan nila, kung saan niya ipapasyal ang kanilang bisita. Nakapagpa-reserve na siya sa ilang hotels at resorts. Hindi na siya kumuha ng travel packages. May sasakyan naman sila at marunong naman siyang magmaneho kaya makakaikot sila sa buong lalawigan. Tinuruan siyang magmaneho ni Wilder.
Nagpadala siya ng itinerary sa kanyang ina. Nakadetalye roon kung saan sila pupunta sa ganitong araw, kung hanggang saan sila roon at ano ang mga maaaring subukan. Idinetalye rin niya kung ano ang mga maaaring asahan sa lugar. Naisip kasi niya na baka gusto ng amo nito ng ganoon. Baka gusto nitong maging organized. Baka gusto nitong maging handa. Ikinatuwa rin naman talaga niya ang paghahanap ng mga lugar na maaaring ipagmalaki
