DAHIL NASA SIYUDAD na rin sila ay nakipagkita na si Cai sa mga kaibigan niya. Hindi naman niya gustong magtampo ang mga ito. Gustong sumama ni Kali at makilala ang kanyang mga kaibigan at kaagad niya itong pinagbigyan. Pumili siya ng isang magandang restaurant para sa isang payapa at masayang dinner. Naligayahan naman siya nang makita sina Kuya Paul, Daniel at Petra.
“Ang ganda mo, girl,” ang sabi ni Petra pagkatapos siyang hagkan at yakapin. Pinagmasdan nito ang kanyang kabuuan. Nakasuot siya ng sleeveless na bulaklaking bestida. “Ang ganda ng kulay mo!”
“Thank you. This is Kali,” aniya sabay lahad ng kamay sa direksiyon ni Kali. “Kali, these goofs are my friends. Petra, Daniel, at Paul.” Itinuturo niya ang kung sino habang binabanggit ang mga pangalan.
Mabilis na nagkasundo ang lahat
