SHOPPING DAY NANG araw na iyon. Nagpasya si Kali na huwag nang bumalik sa Ilocos, tuloy pasyal na sila sa ibang lugar. Sa palagay ni Cai ay sapat pa naman ang mga damit na dala niya pero ang sabi ng kanyang ina ay maigi nang mas handa sila. Saka medyo luma na raw ang mga damit niya at kailangan nang palitan. Hindi talaga siya magastos at palabili ng mga ganoong bagay. Kung magkulang man siya ng damit, sigurado naman na maraming gift shop sa pupuntahan nila. Maaari siyang bumili ng T-shirt mula sa mga iyon at mayroon na rin siyang souvenir sa lugar. Pero pinagbigyan niya ang ina na mahilig talaga sa pamimili.
At some point ay nagkahiwa-hiwalay silang tatlo sa loob ng mall. Nanggaling si Cai sa bookstore. Nakabili naman siya ng libro na maaari niyang basahin sa airport at sa eroplano. Dala-
