KATULAD NOONG UNANG pagkakataon, hindi masukat ang kaba ni Cai habang nasa ospital si Kali para sa check up. Hindi si ya mapakali habang sumasailalim ang binata sa serye ng diagnostic exams. Panay ang panalangin niya na sana ay katulad ng dati na walang makitang deperensiya sa buong katawan nito.
Para ma-distract kahit na paano ang sarili, inisip niya ang mga maaari niyang gawin sa hinaharap. Tapos na ang bakasyon, kailangan na niya ng trabaho o kahit man lang direksiyon sa kanyang buhay. Hindi pa sila nagkakaroon ni Kali ng pagkakataon na makapag-usap tungkol sa mga plano nila para sa hinaharap pero naiisip na niyang siya ang magtutungo ng New York. Aayusin niya ang lahat ng mga kailangan para makarating siya roon kaagad. Dalangin niya na sana ay maging mabilis ang proseso. Gusto na kasi
