SHEINA
"Bitawan niyo ako!" hiyaw ko habang hinihila pa rin ako ng lalaking ito, na siya palang tunay na ama ni Randel. "Saan niyo ba ako dadalhin? Magtatago na naman ba kayo? Akala niyo ba makakatakas kayo sa batas habang buhay? Sa ginagawa niyong 'to mas lalo lang kayong tutugisin ng mga sundalo!"
Pero imbes na pakinggan ako ng taong ito ay sinampal niya ako. Sa sobrang lakas nga ng pagsampal niya sa akin ay parang hihiwalay na ang panga ko sa ulo ko. Napasapo ako doon sa pisngi ko na namamanhid na dahil sa pagsampal niya. "Tumahimik ka, babae! Babarilin kita kapag hindi ka tumigil diyan!"
"Sige! Barilin mo 'ko! Hindi ako natatakot!" paglaban ko naman sa kanya ng sigawan. Talagang hindi na ako nagpaawat sa pagsagot-sagot sa kanya dahil naisip kong wala na rin namang mawawala pa sa akin
