Pinagmamasdan ni Adelhine ang pagpapalit ng mga numero na nag-iindika kung nasaang palapag na siya. Papasok na siya noon sa opisina. Naiwan pa niya si Gabby sa itaas, sa kuwartong ipinagamit niya rito, dahil mukhang tulog pa ang kaibigan. Hindi naman niya ito inabala dahil nag-overtime ito nang nakaraang gabi.
Paglapag ng elevator sa basement parking, nakangiting lumabas siya roon. Wala siyang kasabayan kaya mag-isa lang siya.
Kinuha niya ang susi sa kaniyang bag. Pagtapat niya sa kaniyang kotse ay ini-unlock niya iyon. Subalit, hindi pa man niya nabubuksan ang driver’s seat nang makita niya sa side mirror ang isang taong nakamaskara na mata lang ang kita. Dinaluhong siya nito subalit mabilis siyang nakailag, kaya muntikan na itong masubsob sa sahig.
Namimilog ang mga matang nabitawan
