Parang nasa ulap ang pakiramdam ni Adelhine nang magising siya. Ramdam pa rin niya ang pananakit ng kaniyang ulo, subalit hindi na ganoon kalala.
Dahan-dahan siyang nagmulat ng kaniyang mga mata. Napabalikwas pa siya ng bangon nang maalala ang huling nangyari pagkawala ng kaniyang malay.
She immediately looked around. Nakahinga siya nang maluwag nang matantong nasa kaniyang unit siya.
Napatingin siya sa sarili. Ininpeksyon niya ang mga pasa at sugat na tinamo sa pakikipagpambuno niya. Namamaga na ang kamay niya at ramdam na rin niya ang pananakit ng kaniyang panga, pati na sa bandang may balikat niya.
Nang alisin niya ang kumot na nakabalot sa katawan upang tingnan ang balikat, natanto niyang iba na rin ang suot niyang damit. Naka-pajama na siya. Siguro, si Gabby ang may gawa niyon. W
