Subalit, hindi naman sila sa condo niya tumuloy. Dahil si Matteo na ang nag-insist na magmaneho; na hindi naman niya hinindian pa, sa isang Filipino restaurant nito itinigil ang kotse niya.
“Let’s grab our dinner here para hindi na tayo magluto pag-uwi,” wika nito nang patayin ang makina ng sasakyan.
Pero bakit parang hindi naman ganoon ang nais nitong sabihin? Para bang may iba pang kahulugan iyon na nagpatayo ng kaniyang mga balahibo sa katawan.
Tumango na lamang siya kahit may mumunting tinig sa isipan niya ang sumisigaw ng mga paalala. Hindi na rin niya gustong humaba pa ang diskusyon nila dahil wala rin naman siyang magagawa. Ang lalaki pa rin ang mananalo sa huli.
Inalalayan siya ni Matteo na makababa ng sasakyan. Ikinawit pa nito ang isang kamay niya sa braso nito, saka sila tum
