"Hay naku, Lorabelle! Ikaw na talaga!" tuwang-tuwa na wika ni Jaja nang pasyalan siya nito sa apartment. Nakalabas na sila ni Alejandro at nagpapahinga na lang siya sa bahay.
"Ano na naman ba?" nakangiti rin niyang wika. Nakatingin ito kay Alejandro na kanina pa walang humpay sa pagtawag sa telepono sa Pilipinas.
"Akala ko swerte ka na kay Duke. Aba'y may Alejandro ka palang tinatago! Wala bang kakambal 'yan?"
"Wala, nag-iisa lang 'yan noh," kinikilig din niyang wika.
"Kapatid?"
"May asawa na."
"Hmmp... Sayang naman..."
"O bakit? Parang hindi ka masaya sa boyfriend mo?"
"Okay naman. Pero kung mabibigyan ako ng isang Alejandro, e di mas masaya."
Sabay silang nagtawanan ni Jaja. Habang nakatingin siya sa asawa ay hindi niya maiwasang magpasalamat sa Diyos. Kung nagkata
