DIANE’s POV
Naghihintay ako saw ala. Kahit sinabi kong tapos na ang lahat sa amin ni Shadon, may bahagi pa rin ng puso ko ang umaasa na isang araw ay may matatanggap akong mensahe mula sa kanya. O kaya ay isang tawag. Hindi ko ine-expect na mag-sorry siya dahil aminado ako na nasaktan ko siya. Hindi ko alam na gusto niyang magbuntis ako.
Sana nga sa pagbubuntis ko na lang din iniasa ang future ko dahil irregular naman ako. Kung magbuntis ako, hindi ako para umalis. At kung hindi ako mabuntis, para sa akin ang pagpunta sa ibang bansa. Pero tapos na ang pagpapasya. Wala na rin si Shadon.
Nagpaalam akong bibisita muna ako sa probinsiya namin. Tatlong araw ang hiningi kong bakasyon. Ilang buwan na rin akong hindi nakakauwi. Miss ko na ang mga kapatid ko. Kahit miss ko si Shadon, wala na rin
