Maagang pumasok sa opisina si Berlyn ng araw na iyon upang balikan at ayusin ang ilang dokumentong naka pending na naiwan niya kahapon sa kanyang mesa. Isang linggo na ang nakalipas simula ng mag-umpisa siya ng office sa Cubao, naging abala siya dahil ng malaman ng mga kliyente ng kanilang kumpanya na may branch office na sa Metro Manila ay doon na nagprocess ang mga ito ng mga transactions. At dahil sa pagod ay lagi na siyang maagang nakakatulog kaya pagdating ni Robert ay tulog na siya at hindi na siya ginigising pa ng huli. Naging pabor naman sa kanya ito upang maiwasan si Robert.
"Actually, I can feel that she's avoiding me." Reklamo ni Robert sa kaibigan habang nasa bar sila.
"Hindi ba nanghingi naman siya ng space sa iyo sabi mo?" Napapailing na komento ni Joseph habang nakikinig s
