Chapter 12
Hindi siya makapag-concentrate sa buong klase dahil kay Haze. Ramdam na ramdam niya na may nakatingin sa kaniya at alam niyang ito iyon. Maraming sinasabi ang kanilang professor at nagdi-discuss ito sa harap, siya naman ay nilalaro ang ballpen sa kaniyang daliri. Naiintindihan naman niya ang mga sinasabi ng professor. Nakukuha niya ang banyagang salita nito dahil sa mga libro na nabasa niya.
“Dahil ito na ang huling semester ninyo dito sa Felicitine University bibigyan ko kayo ng assignment. Gumawa kayo ng essay tungkol sa pinaka hindi ninyo malilimutan na lugar dito sa ating university,” sabi ng professor.
Napatingin si Lucy sa labas ng bintana. Nasa ikalawang palapag ang silid kung nasaan siya. Tanaw na tanaw niya ang mga estudyante na naglalakad papasok at palabas ng un
