Chapter 55
“Mukhang hinang-hina siya, Tokio, hindi ba mas mabuti kung malaman ito ng mga kasama niya sa organisasyon? Para matulungan siya at magamot?”
Abala siya sa pagkuha ng mga ingredients sa ref. Lugaw ang kaniyang lulutuin. Tiyak na hirap si Haze na makakain sa kalagayan nito kaya’t hindi siya maaaring magluto ng mga pagkain na matitigas.
“Ayaw niya, kanina ko pa sinasabi pero matigas si Haze at ayaw niyang iparating sa headquarters ang nangyari sa kaniya. Ganito na siya noon pa, sa tuwing mapupuruhan laban sa mga black spirit ay dito siya sa mansyon niya nagkukulong at nagpapagaling. Ayaw niya kasing nakikita ng iba na mahina siya,” sagot naman ni Tokio.
“Mabut na lang nga at naisipan mo na pumunta dito. Kahit papaano ay may tutulong sa akin sa pag-aalaga kay Haze. Ang tigas ka
