Sa bawat araw na lumilipas ay mas lalong namemeligro ang buhay ni Lena. Kasalukuyan itong naka-confine sa Stevez Hospital dahil ilang beses itong inatake ng labis na pananakit ng tiyan. At ayon sa mga doktor na dating tumingin sa dalaga ay unti-unti na 'di umanong bumabagsak ang katawan nito. Nagkaroon na rin daw ng komplikasyon sa ilan sa mga internal organs ni Lena at kapag nagpatuloy pa iyon ay maaari nitong ikamatay.
Gulong-gulo na ang isip ni Uno. Halos ilang gabi na siyang walang tulog dahil sa labis na takot at pag-aalala sa kondisyon ng dalaga. Mabuti na lamang at kahit paano'y humupa na ang labis na pananakit ng tiyan ni Lena dahil sa gamot na ginawa mismo ni Alarick.
Ayon kay Alarick ay pansamantala raw munang mapipigilan ng gamot na iyon ang pagkalat ng lason sa katawan ng dal
