Dahil sa nalaman ni Ruby tungkol kay Judith ay agad niyang pinuntahan ito kung saan ito nakaburol. Kasama niya rin si Ginger at Mama Lulu upang makiramay sa dati niyang Nanay-nanayan. Sa isang memorial homes na malapit sa dating club ito nakaburol. Kanina nga habang nasa sasakyan sila ay natanaw niya ang dating club na kaniyang pinatatrabahuhan. Madilim iyon at sirado, hindi katulad noon na talagang buhay na buhay. Kaya hindi nagtataka si Ruby kung ang dating mga kasama niya sa club ay nasa burol nito. At tama nga ang kaniyang hinala lalo pa at pagkababa na pagkababa nila ng sasakyan ay ang mga dating kasamahan niya ang bumungad sa kaniya.
Ang ilan ay masama ang tingin sa kanila, at naiintindihan niya iyon lalo pa at hindi maganda ang huling pagkikita nila ng Mama Judith niya. At malaman
