Third Person P.O.V.
Kinabukasan, maagang nagising si Keith upang ipagluto ng almusal ang tomboy. Sa sofa ng living area siya natulog kagabi dahil hindi pumayag si Carina na tumabi siya rito. May guest room naman ang condo niya, ngunit may mga nakatambak na gamit doon, kaya wala siyang nagawa kundi matulog na lang sa sofa.
"Ang weird niya kagabi," bulong ni Keith sa sarili habang nagbabasag ng itlog. Naalala niya kung paano, paglabas niya ng banyo, ay nakatalukbong si Carina ng comforter at ayaw siyang makita.
"Labas! Huwag kang tatabi sa akin! Sa labas ka matulog!" sigaw ni Carina sa kanya kagabi habang nakatalukbong ng makapal na kumot.
“Nireregla ka ba? Gusto mo, bilhan kita ng napkin?” pang-aasar ng binata, dahil isa sa pinaka-kinaiinisan ng mga tomboy ay ang pagkakaroon ng buwanang
