CATHERINE'S POV
"ANAK, huwag ka nang sumama. Ipaubaya mo na sa kanila ang pagligtas kay Romnick." Pinigilan ako ni Tatay Tristan na sumama kina Gerald pabalik ng Mexico para tumulong sa pagligtas kay Romnick.
Ibinalita sa amin ni A na alam na raw nila kung saan itinago ni Randolph ang kapatid niya. Nasa hideout daw ng isa sa pinakamatinding kalaban nina Lord Hare. Kaalyansa raw iyon ni Randolph kaya siya tinutulungan.
Ang sabi ni Lord Hare, kaya na raw nilang iligtas si Romnick. Pero ayaw makinig ni Gerald. Hindi raw siya mapakali hangga't di nasisigurong ligtas ang boss.
At gano'n din ako.
Hindi ako matatahimik dito sa Canada habang nasa panaginip naman ang buhay ng lalaking mahal ko.
"Kapag bumalik ka sa Mexico, para mo na ring sinayang ang lahat ng sakripisyo ni Romnick para
