CATHERINE’S POV
“OY, GIRL! Nabalitaan mo na ba?” Nagmamadali akong sinalubong ni Lindsay pagpasok ko sa school kinabukasan.
“Nabalitaan ang ano?” kaswal lang na tanong ko. Sanay na ako sa pagiging exaggerated niya kapag nagkukuwento. “Ano na naman ang mesmes mo for today?”
“Si Matthew. Natagpuan daw na patay sa loob ng sasakyan niya habang pauwi sa kanila kagabi mga bandang alas nuebe ng gabi.”
Saka lang niya tuluyang nakuha ang atensiyon ko, “Ano? Teka. Teka…” Itinaas ko ang aking mga kamay para ipaulit sa kaniya ang mga sinabi niya dahil baka nagkamali lang ako ng dinig. “Pakiulit nga ng sinabi mo. Sino ang namatay? At saan? Kailan?”
“Di ka kasi nakikinig, eh.” Inis na hinampas niya ako ng libro. Bumabawi talaga siya ‘pag may pagkakataon. “Ang sabi ko, si Matthew na classmate natin
