HINDI PA sumisikat ang araw ay nagsimula na kami sa paglalakbay gamit ang aking kotse. Nasa passenger seat si Devon, tahimik na kumakain ng tinapay na nabili namin sa convenience store. Samantalang si Sythe ay tahimik na nagmamaneho, subali't magkasalubong ang kanyang kilay at tila hindi maganda ang gising. Nasa backseat naman ako kasama si Maui na natutulog sa aking hita.
"Nakatitiyak ka ba na nasa bukid ng Asmon mahahanap si Morana o kaya si Cozbi?" masungit na tanong ni Sythe. Puno ang bibig ni Devon kaya hindi siya makasagot, dahilan upang lalong mainis ang kanyang katabi.
"Just drive, Sythe. Don't waste your energy into starting an argument with Devon." Tumingin ako sa rearview mirror upang makita ang kanyang mukha at napailing dahil nag-isang linya na ang kanyang kilay.
"Devon, st
