'Hindi ba nila ako titigilan?' ani Jeric sa sarili nya habang tumatakbo.
Nasukol sya ng mga aso sa isang eskinita na kaagad syang sinunggaban. Nakagat muli si Jeric sa may kanang balikat kaya napasigaw sya sa sakit.
"Ric! Ric!" ani Roche na marahang niyugyog si Jeric.
Nagising si Jeric na masakit ang kanang balikat at hinihingal.
"Ate Roche!" mahina nyang wika ni Jeric.
Nasa loob sya ng back seat ng kotse nila. Pinunasan ni Roche ang pawis ni Jeric sa noo.
"A-anong nangyari?" tanong ni Jeric na nanlalambot.
"Nawalan ka ng malay kanina. Mabuti at humingi ng tulong ang bata," sagot ni Adrian.
"Anong nangyari sa'yo? Nanlalamig ang kamay mo at pawis na pawis ka. Masama bang pakiramdam mo?" tanong ni Roche na nasagi ang kanang braso ni Jeric.
"Aray, Ate!" napasigaw na wika ni Jeric na
