Tinitigan ko ng maigi ang nirekomendang online platform ni Ate Regina sa akin. Isa itong app at malayang nakakapag post ng mga nobela ang mga gustong magsulat sa platform na ito.
Kinagat ko ang aking hinlalaking daliri lalo na’t maaga pa akong pumunta sa bahay nila Dira para lang maki wifi at makagamit ako ng internet. Pinag-iisipan ko ng maigi kung gagawa ba ako ng account o ipagpaliban na lamang muna.
Nagulat ako nang may biglang umihip sa aking tainga. Kamuntik pang mahulog ang iPad sa aking kandungan at mabilis iyong hinawakan habang sinasamaan ng tingin si Vincent na nanggugulo na naman.
“Ba’t nandito ka sa hardin? Hindi ka sumasali sa pakikinig kay Ate Regina,” aniya at inukupa ang isang silya.
Nagpaalam kasi akong lumabas muna lalo na’t ito talaga ang aking sadya. Gusto kong
