“Anything for you...” Narinig kong bulong ni Vincent at hinagkan ang aking ulo.
Wala na akong mahihiling pa sa aking kaarawan lalo na’t natupad na ang aking hiling. Kaya noong humiwalay ako at nagpunas ng luha ay tumakbo agad ako pabalik sa loob ng bahay para ibalita iyon kay Mama.
“Binati ako ni Papa, Mama!” masaya kong sigaw at nanunubig na naman ang aking mga mata habang naririnig sa aking isipan ang mga sinabi sa akin ni Papa.
Kitang kita ko ang pagkatigil ni Mama at tila nagulat sa aking sinabi habang si Dira naman ay namimilog ang mga mata at napatayo sa silya.
“Talaga?!” Malawak ang kanyang ngiti nang itanong iyon sa akin.
Tumango ako sa naluluhang paraan. Mabilis niya akong nilapitan at hinawakan ang magkabila kong kamay saka siya tumili kaya nagtilian kaming dalawa haban
