Natuloy ang pag-alis ni Vincent patungong Manila sa sumunod na buwan. Nasulit naman namin ang mga araw na kasama siya at talagang minsan ay tinutulak na lamang namin siya ni Dira papunta agad sa Manila.
Ngunit noong dumaan ang araw na kami na lamang dalawa ay medyo nakaka-miss pala. Ngunit kailangan din naming unawain na pag-aaral niya roon ang kanyang aatupagin.
"Doon din pala mag-aaral sa Manila 'yung babae sa party ni Kuya. 'Yung nakasabay niya rin sa airport with his friends..." sabi ni Dira habang nasa garden kami at nakaupo habang may pinapanood na movie.
Sumama kasi siya sa paghatid kay Vincent sa airport. Maaga rin kasi kaya hindi na ako nakasama lalo na't tulog pa ako. Nakapagpaalam na rin naman ako noong gabing 'yon.
'Yung Raia marahil ang tinutukoy ni Dira. Hindi ko rin
