Wala akong naging opinyon sa sinabi niya tungkol kay Vincent. Ngunit hindi niya rin naman kailangang makipagkompetensya sa kanya lalo na’t iba ang relasyon namin ni Vincent at alam kong walang makakapantay no’n kahit nino.
Nararamdaman ko ang pagiging determinado ni Daniel sa akin. Kahit na malapit na kami, ramdam ko pa rin ang inilalagay niyang boundary sa akin, na alam niya kung hanggang saan lamang ang kanyang posisyon sa aking buhay at hindi siya pwedeng lumagpas.
“Gusto kong makilala ‘yang Daniel sa mismong Graduation Day mo, Celeste,” ani Mama nang sumapit ulit ang tag-init.
4th Year college na kami ni Dira sa susunod na pasukan. Ito na ang magiging huling yugto ng aming pag-aaral. Kabado ako ngunit mas nangingibabaw ang excitement sa akin dahil sa wakas ay makakamit na namin a
