“APO, simula ngayon ay hatid sundo ka na ng personal driver mo. Kahit saan ka pumunta ay dapat mag-sabi ka kay, Andoy. Maliwanag ba?”
Suot ang magarang damit na pinabili ni Senyor Rodrigo ay tumango si Olivia sa turan nito. Nakaalalay rito ang personal nurse nito. May hawak naman itong mahabang pat-pat na nagsisilbing mata.
Ilang linggo na siyang namamalagi sa mansiyon. Mabuti naman ang pakikitungo sa kanya ng matanda. In fact, pinauulanan siya ng mga ibat-ibang mamahaling gamit nito. Dinadala rin siya sa mga lugar kung saan nagpupunta ang matataas sa estado ng lipunan. Masaya siya na natatamasa sa kabila ng katotohanang hindi naman dapat siya ang nakakarananas noon. Ang mga pinsan naman niya ay bihira niyang makita sa mansiyon dahil sobrang laki rin ng naturang lugar. She prefered tha
