Chapter 46
Unti unti kong minulat ang mga mata ko. Masyado akong nasilaw na tumatama sa mata ko kaya naman napapikit na lang ako at impit na napaungol.
Barado ang lalamunan ko at medyo nanunuyo, masakit ang mata ko kaya hirap akong dumilat pero wala na ang sakit ng puso ko.
Sakit ng puso...
Pakiramdam ko bumalik na naman ang sakit nang maalala ko ang nasaksihan ko kanina... hindi ako makapaniwalang magagawa sa'kin ni Tonton 'yon.
Parang namuo ang galit sa loob ko at gusto ko siyang bugbugin. Naikuyom ko na lang ang kamao ko at saka mariin na pumikit. Gusto ko munang pumikit hanggang sa kumalma ako. Ayokong tumayo nang galit pa rin.
"Gising ka na pala? Kumain ka na at may gamot ka pang iinumin." Sabi ng lalaking hindi ko kilala.
Napadilat akong bigla nang magsalita siya. Napatingi
