Hindi ako bingi. Kahit gaano kalakas ang musika at ang boses ni Flame ay narinig ko ang sinabi ni Aniq. Palihim ko itong tinignan. Nawala na ang sigla niya. Hindi ko ito masisi. Alam kong alam niya na mamaya mawawala na ang virginity niya. At marahil, nasasabi lang niya ang mga ‘yun para mawala ang nerbiyos niya sa magaganap mamaya.
Sa totoo lang ay nagtatalo na ang kalooban ko kung itutuloy ko pa ba ang pagkuha dito. These past few days ay naging malambing at maasikaso ito sa akin. Hindi ako manhid para hindi malaman na iba na ang trato niya sa akin at aminado naman ako na nagugustuhan ko ang lahat ng effort na ginagawa niya. Gustong-gusto. Pero andyan na naman ‘yung takot, ‘yung walang kasiguraduhan. Handa na ba akong pumasok ulit sa isang relasyon? Handa ba akong sumugal para kay Aniq?
