[BRICKELL DMITRI’S P.O.V.]
“Paano mo nasabi na si Ama ang pumatay sa mga magulang ni Reign? Imposible ‘yon. Ang sabi ni Zaros sa atin noong nakaraan ay pinatay ng mga miyembro ng Simul Clan ang mga magulang niya. Kaya ano na naman ba ang mga pinagsasabi mo ngayon, Jaira?“ galit naman na tanong ko sa kaniya. Hindi ako makapaniwala sa sinabi niya ngayon. Nahihibang na yata siya. Mas alam pa niya kaysa sa akin ang tungkol doon? Hindi naman siya gano’n katagal nang naninirahan sa mundo na ‘to.
“Totoo po ang sinasabi ko, Master. Alam din ni Zaros ang tungkol dito. Nakakulong ang inyong ama sa isang dimensyon ng ating mundo. Hindi ko alam kung may ideya ka ba sa dimensyon na tinutukoy ko. Ang dimensyon na ‘yon ay nakakulong ang iyong ama at para bang wala na siyang buhay. Pero sa oras na mak
