Habang nakasunod kami sa lalaki ay panay naman ang linga ko sa paligid. Kailangan ko ring maging alerto. Malay ko ba naman, 'di ba? Baka bigla kong mamataan ang asul na kristal. Kapag nakita ko iyon ay tiyak na tagumpay na kami ni Bogart. Kahit ibuhos ko na ang buong lakas ko sa pakikipaglaban sa mga taga Sora'ng ito makuha lang ang asul na kristal...
"Narito ang tagapagbantay ng asul na kristal at nais niya raw kayong makausap," wika ng lalaki sa inabutan naming nakaupo sa isang malaking upuan na parang upuan ng mga reyna o hari. Boses lalaki siya kaya nasisigurado kong lalaki siya at sigurado akong siya rin ang tagapagbantay.
Nakatalikod ang puwesto niya sa amin at hindi ko na napigilan pa ang sarili kong umikot upang makita ko ang kaniyang mukha.
"Lapastangan—"
"Iwan mo na kami, Hu
