Araw ng midterm exams kaya naman maaga rin kaming nakalabas sa klase. Dumiretso ako sa library upang gampanan ang gawain ko bilang scholar student.
Napansin kong nakaupo sa isang sulok ng quadrangle ang grupo ni Simon kaya umiwas akong mapadaan doon.
"Hayun siya!" malakas na sigaw ng isa sa mga kagrupo ni Simon.
"Habulin niyo!" utos naman ng isa.
Tumakbo ako ng mabilis upang makalayo sa mga kagrupo ni Simon, ngunit naabutan din nila ako.
"Pre, huwag mo masyadong kapitan at baka malintikan tayo kay Boss!" ani ng matabang lalaki.
"Pinahirapan kasi tayong maghabol," gigil na tugon naman ng isang lalaki.
"Bitiwan niyo nga ako!" Nagpumiglas ako sa pagkakahawak nila sa akin.
"Magpakita ka muna kay Boss!" nakangising anas naman ng isa.
Kinaladkad nila ako patungo sa lugar kung saan nar
