"Simon..." Mahinang niyugyog ko ito upang magising.
"Hmm?" ungol lamang ang naging tugon nito sa akin.
"Samahan mo naman ako sa kusina. Nagugutom ako," pakiusap ko rito saka muli kong niyugyog sa kaniyang katawan.
Idinilat nito ang isang mata saka tila inisip pa muna ang aking sinabi sa kaniya. Hindi siguro nito naunawaan ang aking sinabi kung kaya muling ipinikit ang kaniyang mata.
"Simon!" malakas kong niyugyog ito sa kaniyang katawan.
Pabalikwas na bumangon agad ito sa kama saka pupungas-pungas ang mga matang humarap sa akin.
"Ano'ng meron?" nalilitong tanong sa akin nito.
"Samahan mo nga ako sa kusina at nagugutom ako," nakalabing wika ko sa kaniya.
"Nagugutom ka?" Tumango ako sa kaniya bilang tugon.
Bumaba ito sa kama saka binuhat ako kung kaya malakas akong napatili.
"Ba'
