"Simon!" humihikbing tawag ko sa binata habang pilit kong pinipihit pabukas ang doorknob.
"Papa, si Mama po ba 'yon?" Narinig kong tanong ni Simona sa kaniyang ama.
"Yes, Baby!" tugon naman ni Simon sa kaniyang anak.
"Bakit po parang umiiyak si Mama?" tanong naman ni Carlo.
"Maysakit kasi si Mama." Pinakadiinan pa ni Simon ang unang salitang sinabi nito sa mga bata.
"Maysakit po si Mama?" rinig kong sabay na bulalas nina Carlo at Simona.
Naulinigan ko ang pag-aalala sa tinig ng mga anak ko kung kaya lalo lamang akong napahikbi.
"Kapag maysakit si Mama, niyayakap po namin siya para mawala ang sakit niya, Papa," pagkukwento pa ni Simona kay Simon.
"Talaga ba?" tugon naman ni Simon sa bata.
"Opo, Papa! Pwede po bang silipin namin si Mama para gumaling na ang sakit niya," pakiusap nam
