"Oh my!" natitilihang bulalas ko.
Ito ang unang beses na sasakay ako ng isang malaking bangka o parang maliit na barkong maituturing dahil sa iilang sasakyan na isinasakay nito maliban sa iilan pang mga taong laman niyon.
Mula sa may daungan ay sumakay ang sasakyan namin dito sa barkong 'di naman kalakihan. Bumaba si Simon ng sasakyan saka sinenyasan ako nitong bumaba rin.
"Akala ko ba ay may dalawang kilometro na lang ang layo natin?" paasik kong tanong sa binata.
"Oo nga!"
"E, ba't sumakay tayo rito?" Turo ko pa sa kaniya sa malaking bangka na kinatatayuan naming dalawa.
"Sa palagay mo naman ba Carla, saan ka makakakita ng isla na wala sa gitna ng karagatan?!" tila nauubusan ng pasensiya nitong sagot sa akin.
Natahimik naman ako sa sinabi nito. "Oo nga naman, may isla nga bang w
