"Simon, please! Hayaan mo na kaming makaalis," muli kong pakiusap sa binata habang nasa biyahe na kami.
Hindi ko alam kung saan kami nito planong dalhin dahil kanina pa kami nasa gitna ng kalsada nagbabiyahe at sa palagay ko ay masyado na rin kaming malayo sa Manila dahil sa mga punong nakikita ko sa bawat paglinga ko sa paligid.
"Huwag kang makulit, Carla!" paanas nitong sabi.
Nagpipigil itong mapalakas ang kaniyang boses dahil alam niyang nakatingin sa aming dalawa sina Simona at Carlo.
"May naghihintay na trabaho sa akin at baka nag-aalala na rin sa amin si Annie," patuloy kong sambit.
"Call her then resign!" Tuluyan nang humulagpos ang pagtitimpi nito kung kaya tumaas ng muli ang kaniyang boses.
"Hindi nga kasi ganoon kadali ang gusto mong mangyari!" Tumaas na rin ang tone of voi
