CHAPTER 20
THIRD PERSON POV
Pagkatapos ng mahabang habulan, tawanan, at hingalan sa gitna ng kagubatan, sa wakas ay nagpasya sina Sky at Jhon na magpahinga muna..Pareho pa rin silang medyo hinihingal habang naglalakad sa makitid na daan pabalik sa mas bukas na bahagi ng gubat. Sa mga kamay nila ay hawak pa rin ang mga panggatong na halos makalimutan na nila kanina dahil sa kakulitan at kakatawanan.
Ang hangin ay sariwa, ang sikat ng araw ay mas maliwanag na ngayon kumpara kanina sa umaga. Sa bawat hakbang nila, ang mga tuyong dahon sa lupa ay kumakaluskos sa ilalim ng kanilang mga paa. Si Sky ay naglalakad sa unahan habang hawak ang ilang piraso ng kahoy. Si Jhon naman ay nasa likod niya, nakangiti habang pinagmamasdan ang dalaga.
Paminsan-minsan ay napapailing siya. Hindi niya alam ku
