Chapter 46
CLYDE
"Saan ka ba pupunta? Saan mo balak hanapin si Venus? Sasamahan ka na namin..." mahinang sinabi ni Jay sa akin.
Nasa labas kami ngayon ng room ni Ate, at bulungan lang ang aming pag-uusap dahil ayaw namin na marinig pa ni Ate ang usapan namin. Kanina kasi, tinatanong niya sa akin kung nasaan si Venus... gusto raw kasi niyang magpasalamat sa kaniya— utang na loob pa nga raw niya ang buhay kay Venus dahil kung hindi raw siya nagpunta ay malamang daw ay mas malala ang kaniyang kondisyon at hindi siya okay ngayon.
"May mga trabaho kayo 'di ba... nakaabala na nga kami sa inyo dahil sa pagpunta-punta niyo rito eh. Huwag na... kaya ko na. Ako na lang maghahanap sa kaniya, magmo-motor na lang ako," umiiling kong sinabi sa kanila.
Totoo naman kasi. May trabaho sila ngayon, pero
