“Ano na namang ginagawa mo sa harapan ng pintuan ko? Sinabi ko na sayo na huwag na huwag ka nang pupunta at babalik pa rito, ‘di ba?” naiinis na sabi at tanong ni Tattered nang mabungaran sa pagbukas niya ng pintuan si Yen. Sa tuwing makikita niya ito, nakakaramdam siya ng sobrang inis.
“Hindi ako nagpunta para sayo, nagpunta ako para kay Ripped, para sa anak ko na anak mo,” ani Yen na tinitingnan ng diretso si Tattered. “Gusto ko siyang makita at gusto kong malaman niya na nandito na ako,” madiin na wika pa niya.
Natahimik si Tattered sa sinabi ni Yen. Napaisip siya. ‘Papayagan ko ba siya?’ isip-isip niya. Pinag-iisipan niya kung papayag ba siyang makita ni Yen ang anak nila na si Ripped matapos ang ginawa nitong pang-iiwan sa kanilang mag-ama noon.
“Please Tattered, anak ko rin naman
