“Kailangan ba talaga kasama pa siya?” tanong ni Yen kay Tattered. May pagkadismaya ang tono niya. Nasa sala silang lahat dahil ipinaalam ni Yen kay Tattered na ipapasyal niya si Ripped ngayong araw.
Tumango-tango si Tattered. “Dapat ako ang sasama. Naisipan mong ngayon ipasyal si Ripped pero hindi ko day-off at saktong si Rohem ang off-duty sa aming dalawa ngayong araw kaya siya na lang ang sasama sa inyong dalawa,” aniya pa.
“Sana nga ikaw na lang,” pabulong na sabi ni Yen.
Hindi naman iyon narinig ni Tattered o ni Rohem na nasa tabi niya.
Sa halip na isatinig iyon ng malakas ay huminga na lang ng malalim si Yen. “Pwede naman kasing kaming dalawa na lang ni Ripped ang mamasyal,” aniya. “Pangako, hindi ko naman papabayaan ang anak natin-”
“Pero gusto kong kasama ninyo si Rohem,” mabi
