“Bakit ka ganyan makatitig?” nagtatakang tanong ni Sandblast sa nakababatang kapatid na si Rohem na hindi kumakain. Magkaharap silang nakaupo sa dining table at nakahanda sa ibabaw ng mahabang lamesa ang mga nilutong pagkain para sa hapunan. “Kung titigan mo ako, parang gusto mo akong hukayin hanggang sa makita mo ‘yung sagot na hinahanap mo,” dugtong niya pa.
Kanina pa nakatitig si Rohem kay Sandblast. Mistulang may gusto itong sabihin ngunit hindi maisatinig at sinasabi na lamang ito sa pamamagitan nang pagtitig sa kanya.
“Hoy!” singhal pa ni Sandblast kay Rohem. Hindi tuloy siya makapag-concentrate sa pagkain dahil sa pagtitig nito sa kanya kaya tumigil na lang muna siya. Binitawan niya ang kutsara at tinidor sa ibabaw ng plato niya.
Nagbuga nang hiininga si Rohem. Maya-maya ay inism
