“Maupo ka na muna. Ikukuha lang kita nang makakain at maiinom,” alok ni Rohem kay Yen saka niya itinuro ang sofa.
Tumango na lamang si Yen saka sinunod ang sinabi ni Rohem. Umalis naman si Rohem sandali at pumunta sa kusina para maghanda ng makakain at maiinom nila.
Dahan-dahang naupo si Yen sa mahabang sofa. Nilibot niya ang kanyang tingin sa loob ng bahay. Masasabi niyang walang masyadong ipinagbago sa bahay simula nung huli niya itong makita maliban na lamang sa nadagdagan ang mga gamit na narito sa loob.
Maya-maya ay nagbaba nang tingin si Yen saka siya nagbuga nang hininga. Naisip niya si Rohem na nagpakilalang asawa ito ni Tattered.
‘Paano kaya kung pumayag na ako noon na magpakasal kami ni Tattered nang ayain niya ako ng kasal? Kung tinanggap ko lang sana ang proposal niya, mag
