EZNA LIAN
“Ate, may lalaki po sa dalampasigan!” sigaw ng kapatid ko.
“Saan?” tanong ko naman sa kanya.
“Doon po banda,” sagot sa akin ng kapatid ko at tumakbo siya kaya sumunod naman ako sa kanya.
At mula dito ay natatanaw ko na agad ang lalaki na nakahiga sa dalampasigan kaya naman nagmamadali pa ako sa paglalakad. At nang makarating na ako sa harap niya ay hindi ko alam kung ano ba ang nangyayari. Parang bigla na lang tumigil ang mundo dahil ang gwapo ng lalaking nakahiga ngayon.
“Ate, tulungan natin siya,” sabi sa akin ng kapatid ko kaya ngayon lang ako nahimasmasan.
Mabilis kong inalam kung buhay pa ba siya. Buhay pa naman siya kaya naman pinagtulungan namin siyang dalhin sa may center dito sa amin sa isla. Malayo kami sa kabihasnan kaya may nurse lang na nakatira dito ang tumutu
