Sinadya kong hindi na muna tawagan o puntahan si Mael. Magpapakita ako kung kailan handa na akong balikan siya. Wala akong ibang gustong gawin muna kundi ang magsaya na muna kasama ang aking asawa at anak pati na rin ang aking mga kapatid. Gusto kong bumuo ng mga bagong masasayang alaala. Gawin ang mga bagay na hindi ko noon nagawa. Mga masasayang sandali na akala ko hanggang pangarap na lang. Natanggap na ni Franco ang hitsura ng Daddy niya na mukhang binatilyo at si Donna naman ay sinanay na lang niya ang sarili na mukhang binatilyo at malayong mas bata sa kanya ang kanyang asawa. Hindi bale, kapag naman kumilos ako at nagsalita, alam nilang nakulong lang naman ako sa binatilyong katawan naging mabuting haligi pa rin naman ako sa lahat.
Masaya naming inayos ang aming bahay bilang pamily
