Lumipas ang araw, buwan at taon. Marami na ang nagbago kay Sofie. Naging mas dalaga siyang tingnan kaysa noon na isip bata. Dalaga na siya kung manamit at kumilos.
Gusto agad niyang lumaki para makita ng binata na hindi na siya bata at kahit kailan ay hindi lang basta-basta paghanga ang nararamdaman niya para dito.
"Bakit parang nagmamadali ka ata sa pagdadalaga mo, Sofie?" tanong sa kanya ng ate Anastasia niya.
Nagsusuklay siya sa mahaba niyang buhok sa harap ng malaking salamin.
"Gusto kong lumaki agad, ate."
"Bakit naman? Mas masarap maging bata. Wala kang problema. Kapag lumaki ka kaagad ay doon mo na masasabi na sana naging bata ka na lang palagi."
Tumingin siya sa ate niya. "Gusto ko kasing patunayan kay Ian na kahit malaki na ako ay gusto ko pa din siya at itong nararamdaman k
