Simula ng araw na 'yon, kahit kailan ay hindi na nila binanggit ang nakaraan ni David. Ibinaon na din ni Angel sa limot ang bagay na 'yon. Hihintayin na lang niya ang araw na ang binata mismo ang magsasabi sa kanya. Mas mabuti na ‘yun kaysa pilitin pa niya ito.
"Good morning, baby," malambing na bati ni David sa kanya saka siya hinalikan sa pisngi.
"Good morning din. Wala ka bang pasok?" Napansin niya kasing hindi ito nakapang-office.
"Today is Sunday. Did you forget?"
"Ay oo nga pala." Napasuntok sa palad si Angel. "Oh! Walang pasok, anong gagawin mo ngayon?"
"Want to date?"
"Talaga? Saan?"
"Hmm, where do you wanna go?"
Napaisip naman si Angel, pero agad ding tiningnan si David ng masama. "Wala nga akong maalala, 'di ba? Bakit ngayon ako ang tinatanong mo? Pinagloloko mo naman ako
