ISANG magandang umaga ang sumalubong kay Amara pagkagising niya. Tila isang magandang desisyon ang kaniyang ginawa na pumunta rito sa isla upang dito magbakasyon pagkatapos ng isang taon na puro lamang siya trabaho. Napangiti siya nang ibaling niya ang tingin sa bintana, kung saan naiwan niya itong nakabukas kagabi dahil dito ay nakapasok ang sinag ng araw sa kaniyang silid. Nag-inat siya ng katawan at nagsitunog naman ang kaniyang mga buto.
"Ang sarap ng tulog ko," wika niya sa sarili na may ngiti sa labi.
Saglit muna siya humiga bago nito naisipan na bumangon mula sa kaniyang pagkakahiga. Dumiretso siya sa banyo upang maghilamos at maglinis ng sarili bago siya bumaba upang kumain ng agahan. Kahit na malamig ang tubig na nanggagaling sa shower ay hindi iyon inalintana ni Amara dahil di
