NAKAKUYOM ang mga kamao ni Matteo at Garry habang nagsusukatan ng tingin. Tila walang gustong magpatalo.
“You’re right!” malapad ang ngiting pagsang-ayon ni Bettina sa sinabi ni Garry at humawak ito sa braso ni Matteo. “It’s a little bit too late for that, pero sige. Mag-usap-usap tayong apat. Just like the good old times.” May pagkasarkastiko ang pagkakasabi nito sa huling pangungusap.
Nang tumingin ito kay Liwayway, tumalim ang tingin nito at agad na nawala ang pekeng ngiti.
“I’ll get a conference room,” wika ni Garry.
Ayaw ni Liwayway maiwan doon kasama sina Matteo at Bettina kaya sumama siya sa lalaki at nag-book sila ng maliit na conference room sa second floor ng hotel.
Nauna na roon ang dalawa kaya sila na lamang ni Garry ang magkasama sa loob ng elevator paakyat sa pangal
